Macarıstanın Baş naziri Viktor Orban ABŞ Dövlət katibi Marko Rubioya Ukraynadakı münaqişənin həlli üçün sülh səylərini dəstəkləyəcəyinə əminlik verib. Budapeştdə ABŞ diplomatiyasının rəhbəri ilə görüşdən sonra keçirilən birgə mətbuat konfransında çıxış edən hökumət başçısı həmçinin ABŞ prezidenti Donald Trampın Macarıstan paytaxtına səfər dəvətinin açıq qaldığını təsdiqləyib.
Orban deyib: “Katib Rubioya əmin etdim ki, Macarıstan Avropanın onlara mane olmaq cəhdlərinə baxmayaraq, ABŞ-ın Ukraynaya sülh gətirmək səylərini dəstəkləməyə davam edir”. O, həmçinin Trampın dörd il əvvəl ABŞ prezidenti olsaydı, Rusiya ilə Ukrayna arasında silahlı münaqişənin qarşısı alınacağını da irəli sürüb. (Tass)