İran-ABŞ danışıqlarında vasitəçi kimi çıxış edən Pakistan Silahlı Qüvvələrinin baş komandanı Asim Munir Tehrana səfəri zamanı İran danışıqlar qrupunun rəhbəri, Parlament sədri Məhəmməd Bağır Qalibaf ilə görüşüb. Bu barədə İranın dövlət televiziyası məlumat yayıb.
Əl-Cəzirə telekanalı əvvəllər Munirin ABŞ-İran münaqişəsinin həlli və danışıqların yeni mərhələsinin təşkili üçün vasitəçilik səylərinin bir hissəsi olaraq Tehrana səfərindən sonra ABŞ-a gedəcəyini bildirmişdi.
Feldmarşal Asim Munir və Pakistanın daxili işlər naziri Möhsin Nəqvi Vaşinqton və Tehran arasındakı münaqişədə vasitəçilik etməyə davam etmək üçün İrandadırlar. İranın dövlət televiziyasının məlumatına görə, cümə axşamı günü İran rəsmiləri Tehrana səfər edən Pakistan nümayəndə heyəti ilə İran-Amerika danışıqlarının gedişatını və ABŞ təkliflərini ətraflı müzakirə etməyi planlaşdırırlar. (TASS)