Pentaqon pilotsuz uçuş aparatlarına (PUA) qarşı mübarizə üçün işçi qrupu yaradır. Bu barədə ABŞ-ın müdafiə naziri Pit Heqset məlumat verib.
“Şübhə yoxdur ki, düşmən pilotsuz təyyarələrinin bizə qarşı təhdidləri hər gün artır”, – o, X-də dərc olunan videomüraciətində deyib. “Biz bunu ucqar yerlərdə və sərhədlərimizdə döyüş meydanında görürük”, – deyə nazir əlavə edib.
Heqsetin sözlərinə görə, pilotsuz təyyarələrin Amerika qüvvələrinə zərbə endirmək və ABŞ hava məkanını pozmaq üçün istifadə edilməsi təhlükəsi var. “Ona görə də mən bu gün Ordu Katibinə (ABŞ-ın quru qoşunları ) rəsmi olaraq birgə idarələrarası işçi qrupu yaratmağı tapşırıram. Bu, bu təhdidlərə cavab vermək və səmamıza nəzarəti bərpa etmək üçün bütün agentliklərimizin ən yaxşı ekspertlərini bir araya gətirəcək yeni birgə qrupdur”, – Pentaqon rəhbəri əlavə edib. O qeyd edib ki, qrup “PUA-lara qarşı mübarizə aparacaq”.
Heqset qeyd edib ki, ABŞ bu sahədə “rəqiblərini qabaqlamağa” ümid edir. (Tass)