ABŞ prezidenti Donald Tramp tərəfindən müdafiə nazirinin Hind-Sakit okean təhlükəsizlik məsələləri üzrə köməkçisi vəzifəsinə namizədliyi irəli sürülən Con Roh Amerikanın Tayvana silah tədarükünü sürətləndirmək niyyətində olduğunu açıqlayıb.
“Təsdiq olunarsa, rəhbərliyimin Tayvana silahların çatdırılmasını sürətləndirmək üçün istifadə edə biləcəyi bütün müxtəlif vasitələrlə bağlı məsləhət və təlimat verəcəyəm” No Senatın Silahlı Qüvvələr Komitəsində təsdiqləmə dinləmələrində deyib.
O, həmçinin Tayvanın hərbi təlim, səfərbərlik, mülki-hərbi inteqrasiya, eləcə də infrastrukturunun gücləndirilməsi və kibertəhlükəsizlik imkanlarının genişləndirilməsi sahəsində mühüm islahatlar həyata keçirməli olduğu fikrini ifadə edib. “Beləliklə, silahlardan başqa, Tayvanın mümkün işğal ssenarisinə hazırlaşmaq üçün təcili olaraq edə biləcəyi və etməli olduğu bir çox başqa şeylər var. Ona görə də, senator, təsdiq olunarsa, Taypeydəki tərəfdaşlarımıza mümkün olan ən yaxşı məsləhətləri verməmizi təmin etmək üçün öz komandam və sizin komandanızla yaxından işləyəcəm”, – Hind-Sakit Okean Ölkələri üzrə Müdafiə katibinin köməkçisi vəzifəsinə namizəd əlavə edib. (Tass)