BMT Qolan təpələrini Suriya ərazisi hesab edir və ölkənin ərazi bütövlüyünün pozulmasına qarşı çıxır. BMT-nin baş katibi Antonio Quterreş bunu Dəməşqə ilk səfəri zamanı keçirdiyi mətbuat konfransında bildirib.
O, dünya qurumunun “Suriyanın ərazi bütövlüyünün qorunmasını zəruri hesab etdiyini və ərazi bütövlüyünün hər hansı bir şəkildə pozulmasına qarşı çıxdığını” qeyd edərək, “BMT Qolan təpələrinin Suriyaya məxsus olduğunu tanıyır və hazırda törədilən bütün qanun pozuntularını pisləyir” deyib.
Baş katib əlavə edib ki, “Yerdəki qüvvələrimiz İsrailin davam edən qanun pozuntularının təsirini minimuma endirmək üçün mümkün olan hər şeyi edir”. (Tass)