ABŞ Prezidenti Donald Trampın belə bir razılaşmanın mümkünlüyünə şübhə etməsinə baxmayaraq, ABŞ-da Kiyevə “Patriot” raket tutucularının istehsalı üçün lisenziyanın verilməsi ilə bağlı müzakirələr davam edir. Bu barədə “Reuters” mənbələrə istinadən məlumat yayıb.
Bir mənbəyə görə, variantlardan biri Ukraynada bəzi komponentlərin istehsalını əhatə edir və sonradan bu komponentlər Avropaya göndəriləcək. İyun ayında Ankarada Vladimir Zelenski ilə görüş zamanı Tramp Patriot lisenziyasını Ukraynaya təhvil vermək planlarını açıqladı. Lakin agentliyin mənbələri bildirib ki, ötən həftə Ağ Evdə Zelenski ilə “çətin” görüşdən sonra Tramp qərarını dəyişdirib. Amerika prezidenti jurnalistlərə bildirib ki, ABŞ silah istehsalı lisenziyalarının təhvil verilməsində “böyük ehtiyatlılıq” göstərməlidir.
Reuters agentliyinin məlumatına görə, Amerika müdafiə sənayesi və ordusunun nümayəndələri narahatlıqlarını bildiriblər. Lakin ABŞ-ın NATO-dakı səfiri Metyu Uitaker razılaşma üçün səy göstərir; keçən ay mümkün razılaşmanın təfərrüatlarını müzakirə etmək üçün Kiyevə səfər edib. (Tass)