Reuters agentliyinin Pakistan təhlükəsizlik mənbəyinə istinadən verdiyi məlumata görə, ABŞ və İran arasında tezliklə razılaşma əldə edilə bilər; danışıqlar son mərhələdədir.
Onun sözlərinə görə, tərəflər pərdəarxası diplomatiya yolu ilə irəliləyiş əldə ediblər və qarşıdan gələn görüş anlaşma memorandumunun imzalanması ilə başa çata bilər. Tam razılaşmanın 60 gün ərzində bağlanması gözlənilir. Agentlik yazır ki, tərəflər artıq prinsipial razılaşmalara nail olublar, texniki detallar isə daha sonra dəqiqləşdiriləcək.
Diplomatik mənbə Reuters agentliyinə bildirib ki, Pakistanın yüksək rütbəli hərbi rəsmisi Asim Munir həftənin ortalarından bəri Tehranda danışıqlar apararaq əsas vasitəçi rolunu oynayır və bir sıra çətin məsələlərdə irəliləyiş əldə edib. (Tass)