Çinin xarici işlər naziri Vanq Yinin sözlərinə görə, Çin prezidenti Si Cinpin ABŞ prezidenti Donald Trampa separatizm və Tayvan boğazında sülhün bir-biri ilə uyğun gəlmədiyini izah edib.
Çin Xarici İşlər Nazirliyinin veb saytında Vanq Yinin “Bu görüşdə əsas məsələlərdən biri Tayvan məsələsi ilə bağlı idi” dediyi bildirilir. “Tayvan boğazında sülhün və sabitliyin qorunması hər iki tərəf üçün “ən böyük ortaq məxrəcdir”. Bunun əsas şərti odur ki, Tayvandakı separatizm heç bir halda dəstəklənməməli və ya ona yol verilməməlidir, çünki bu, Tayvan boğazında sülhlə bir araya sığmır”. (Tass)