ABŞ Prezidenti Donald Tramp Şimali Atlantika Alyansının bütün üzvləri arasında yalnız ABŞ-ın Rusiyanı narahat etdiyi fikrini bildirib. O, bunu “The New York Times” qəzetinə verdiyi müsahibədə bildirib.
Tramp qeyd edib ki, 2035-ci ilə qədər müdafiə xərclərini ÜDM-in 5%-nə çatdırmaq üçün digər NATO üzvlərindən öhdəliklər alıb. “İstəyirəm ki, onlar (avropalılar ) formada olsunlar. İnanıram ki, biz həmişə Avropa ilə yola gedəcəyik, amma istəyirəm ki, formada olsunlar. Onları ÜDM-nin daha çox hissəsini NATO-ya xərcləməyə vadar edən mənəm. Amma Şimali Atlantika Alyansına baxsanız, deyə bilərəm ki, Rusiya bizdən başqa heç bir ölkəyə əhəmiyyət vermir”, – deyə ABŞ prezidenti bildirib. (Tass)