ABŞ prezidenti Donald Tramp hesab edir ki, onun tətbiq etdiyi tariflər bu il ABŞ-a 17 trilyon dollardan çox investisiya cəlb edəcək.
“Bu il ölkəmizə 17 trilyon dollardan çox sərmayə qoyulacaq. Bu, bizim ötən il etdiyimizdən dəfələrlə çoxdur”, – Amerika lideri Böyük Britaniyanın baş naziri Key Starmerlə baş nazirin ölkə iqamətgahı olan Çekersdə keçirdiyi görüşdə deyib.
“Biz heç vaxt belə sərmayə görməmişdik. Tariflər olmasaydı, biz bunun yalnız bir hissəsinə sahib olardıq”, – Tramp vurğulayıb. O, bundan əvvəl əmin olduğunu bildirmişdi ki, yeni tariflər müəssisələri istehsal müəssisələrini ABŞ-a köçürməyə məcbur edir.
Aprelin 2-də Tramp 185 ölkə və ərazidən gələn məhsullara rüsumlar tətbiq etdiyini açıqlayıb. Amerika lideri daha sonra bir sıra ölkələr üçün tarif dərəcələrinə düzəlişlər etdi. (Tass)