ABŞ prezidenti Donald Tramp hesab edir ki, Ali Məhkəmə gömrük rüsumlarını qanunsuz hesab edərsə, ölkə iqtisadiyyatı “cəhənnəmə gedəcək”. O, bu mövqeyini CBS News-a müsahibəsində açıqlayıb.
Aparıcı Trampdan Ali Məhkəmənin mümkün tariflərin etibarsız sayılması qərarının ABŞ iqtisadiyyatına necə təsir edəcəyini soruşub. “Düşünürəm ki, ölkəmiz çox böyük zərər görəcək. Düşünürəm ki, iqtisadiyyatımız cəhənnəmə gedəcək”, – ABŞ prezidenti cavab verib. “Hesab edirəm ki, bu, son 100 ildə Ali Məhkəmədə müzakirə olunacaq ən vacib məsələdir”, – o vurğulayıb.
ABŞ Ali Məhkəməsi ABŞ administrasiyası tərəfindən tətbiq edilən çoxsaylı tariflərin qanuniliyini yoxlamaq üçün noyabrın 5-nə dinləmə təyin edib. İş bir qrup biznes nümayəndəsinin tariflərin qeyri-qanuni olduğunu və şirkətlərinə zərər vurduğunu iddia edərək ABŞ hökumətinə qarşı iddia qaldırdıqdan sonra başlanıb. Avqustun 29-da Kolumbiya Dairəsinin Apellyasiya Məhkəməsi Trampın elan etdiyi bir çox tarifləri tətbiq etmək səlahiyyətinin olmadığına qərar verdi. Sentyabrın 4-də Tramp administrasiyası qərarı ləğv etmək üçün Ali Məhkəməyə müraciət edib.
Tramp və yüksək səviyyəli administrasiya rəsmiləri, o cümlədən ticarət naziri Hovard Lutnik və ticarət müzakirəçisi Jamison Greer dəfələrlə tariflərin qüvvədə qalması üçün mübahisə edərək, bunu etməməyin ABŞ-ın digər ölkələrlə ticarət danışıqlarını və mövcud müqavilələri təhlükə altına atacağını iddia ediblər. (Tass)