ABŞ prezidenti Donald Tramp İranla atəşkəs danışıqlarının bir hissəsi olaraq Yaxın Şərq üzrə xüsusi elçisi Stiv Vitkoff və kürəkəni Cared Kuşnerin Pakistanın İslamabad şəhərinə planlaşdırılan səfərini birtərəfli şəkildə ləğv etdiyini açıqladı. Tramp bildirib ki, “Mən komandama dedim ki, ‘Bizdə bütün imkanlar var. Onlar istədikləri vaxt bizə zəng edə bilərlər, artıq oturub boş yerə danışmaq üçün 18 saatlıq uçuşlar etməyəcəksiniz'”.
FOX News-a proses və komandasına verdiyi təlimatlar barədə danışan Tramp deyib: “Stiv Vitkoff və Cared Kuşner Pakistana getmirlər. Mən bunu birtərəfli şəkildə ləğv etdim”. İran tərəfi ilə görüşmək üçün uzun bir səyahətə ehtiyac olmadığını vurğulayan Tramp bildirib: “Bir müddət əvvəl komandama yola düşməyə hazırlaşmağı tapşırdım. Sonra dedim ki, ‘Xeyr, ora çatmaq üçün 18 saatlıq uçuşa ehtiyac yoxdur. Bütün kartlarımız var. İstədikləri vaxt bizə zəng edə bilərlər; artıq oturub heç nədən danışmaq üçün 18 saatlıq uçuşa çıxmayacaqsınız'”. (Tass)