Ukraynadakı beynəlxalq haker qrupu Avropa və ABŞ-dakı fərdlərə və şirkətlərə kiberhücumlar həyata keçirərək, onlardan 100 milyon dollardan çox pulu oğurlayıb. Bu barədə Ukraynanın Baş prokuroru Ruslan Kravçenko Telegram-da məlumat verib.
Müstəntiqlərin sözlərinə görə, hakerlər zərərçəkmişlərin məxfi məlumatlarına və sənədlərinə daxil olmaq üçün zərərli proqram təminatından istifadə ediblər və daha sonra onların qaytarılması və ya açıqlanmaması üçün fidyə tələb ediblər. Şantaj yolu ilə onlar 100 milyon dollar zorla tələb ediblər. Hakerlər bu pulu Ukraynada daşınmaz əmlak və digər bahalı aktivlər almaq üçün istifadə ediblər.
İstintaq çərçivəsində ümumilikdə 30-dan çox axtarış aparılıb. Məhkəmə oğurlanmış pulların çıxarılması və yuyulmasında məsul olan cinayətkarlardan birinin girov müqabilində həbs olunması barədə qərar çıxarıb. Yaşayış binaları, mənzillər və avtomobillər də daxil olmaqla aktivlər, eləcə də 1 milyon dollar nağd pul və təxminən 8,3 milyon dollar kriptovalyuta da müsadirə edilib. (Tass)