Azərbaycanda həbsdə olan 13 Rusiya vətəndaşının azadlığa buraxılması Moskva ilə Bakı arasında münasibətlərin normallaşması istiqamətində mühüm addım ola bilər. Bunu Rusiya Xarici İşlər Nazirliyinin rəsmi nümayəndəsi Mariya Zaxarova EEF çərçivəsində keçirilən brifinqdə deyib.
“Rusiya vətəndaşlarının azadlığa buraxılması Rusiya ilə Azərbaycan arasında münasibətlərin normallaşması istiqamətində mühüm addımdır”, – diplomat vurğulayıb.
“Mövzu avqustun 22-də Həştərxanda keçirilən iqtisadi əməkdaşlıq üzrə Rusiya-Azərbaycan hökumətlərarası komissiyasının iclaslarında ətraflı müzakirə olunub”, – Zaxarova əlavə edib. “Ölkəmizin mövqeyi Azərbaycan nümayəndə heyətinə ətraflı şəkildə çatdırılıb”.
Rusiya Xarici İşlər Nazirliyinin rəsmi nümayəndəsi onu da xatırladıb ki, Rusiya vətəndaşlarının konsulluq əməkdaşları tərəfindən artıq iyulun 3, 14 və 23-də Bakı İstintaq Təcridxanasına üç səfəri təşkil olunub: “Dördüncü görüş üçün sorğu göndərilib, lakin Azərbaycan tərəfi hələlik razılıq verməyib”. “Biz güman edirik ki, belə razılıq alınacaq”.(Tass)