Amerika Birləşmiş Ştatları Qrenlandiyanın mülkiyyəti müqabilində Ukraynaya təhlükəsizlik zəmanəti verməkdə Avropa ölkələrinə qoşula bilər. Bu fikri Quincy İnstitutunun Avrasiya Tədqiqatları Proqramının rəhbəri Anatol Liven Britaniyanın” Unherd” analitik portalı üçün yazdığı köşəsində bildirib.
Onun sözlərinə görə, ABŞ-ın “könüllülərin koalisiyası”na dəstəyi “müəyyən bir qiymətə başa gələcək və bu qiymət Qrenlandiya ola bilər”. O qeyd edib ki, Vaşinqton münaqişə bitdikdən sonra Ukraynaya dəstək ilə bağlı hələlik heç bir konkret öhdəlik götürməyib.
Lieven qeyd edib ki, Parisdə keçirilən “könüllülərin koalisiyası” sammitindən sonrakı bəyannamədə yalnız “təklif olunan” ABŞ dəstəyi və “zəmanətlərin təmin edilməsi tədbirləri”ndən bəhs olunur, əlavə izahat verilmir. Ekspert vurğulayıb ki, bu cür ifadələr, ehtimal ki, Rusiya ilə birbaşa hərbi qarşıdurmadan qaçınmaqla yanaşı, Kiyevdə “etimad yaratmaq” məqsədi daşıyır. (Tass)