Britaniya hakimiyyəti Ukraynaya 13 ədəd “Raven” hava hücumundan müdafiə sisteminin və iki “Gravehawk” prototipinin çatdırılmasını təsdiqləyib. Bu barədə Britaniyanın “UK Defence Journal” portalına istinadən Müdafiə üzrə dövlət katibinin müavini Alistair Karnes məlumat verib.
Portal Karnsın sözlərini sitat gətirir: “13 RAVEN hava hücumundan müdafiə sistemi və GRAVEHAWK hava hücumundan müdafiə sisteminin iki prototipi artıq Ukraynaya çatdırılıb və əlavə 15 sistemin ilk partiyası yaxın gələcəkdə çatdırılacaq”.
2025-ci ilin aprel ayında Böyük Britaniya Müdafiə Nazirliyi Ukrayna üçün 450 milyon funt sterlinq (590 milyon dollar) məbləğində yardım paketini təsdiqlədi. 160 milyon funt sterlinq (210 milyon dollar) əvvəllər Kiyevə verilmiş avadanlıqların təmiri və texniki xidmətinə sərf olunacaq. 2025-ci ildə ümumilikdə 4,5 milyard funt sterlinq (5,9 milyard dollar) məbləğində yardımın göstəriləcəyi gözlənilir. Rusiya dəfələrlə vurğulayıb ki, Qərbin Kiyevə silah göndərməsi və Ukrayna qoşunlarının təliminə kömək etməsi yalnız münaqişəni uzadır və döyüş meydanındakı vəziyyəti dəyişdirmir. (Tass)