Avropa Şurası İsrail Baş naziri Binyamin Netanyahunun hakim koalisiyasının üzvlərinə qarşı sanksiyalar üzərində işə başlamağı planlaşdırır. Bu üzvlərin Sumud beynəlxalq donanmasının iştirakçılarının hüquqlarını pozması ilə bağlı ola biləcəyi ehtimal olunur. Bu barədə Euractiv portalı 18-19 iyun tarixlərində keçirilən sammitin layihə sənədinə istinadən məlumat yayıb.
Qlobal Sumud Donanması aprel ayında fəaliyyətə başlayıb. İştirakçılar məqsədlərinin İsrailin Qəzzaya qarşı dəniz blokadasını qırmaq və daimi humanitar dəniz dəhlizi yaratmaq olduğunu bildiriblər. 18 mayda İsrailin Ynet xəbər agentliyi İsrail Müdafiə Qüvvələrinin beynəlxalq sularda İsrail sahillərindən yüzlərlə kilometr aralıda donanmanın gəmilərini saxlamağa başladığını bildirmişdi. (Tass)