ABŞ prezidenti Donald Tramp beynəlxalq hüququ pozan ABŞ-ın Venesueladakı əməliyyatından sonra İsveçrədə arzuolunmaz şəxs elan edilməlidir. İsveçrə Yaşıllar Partiyasının prezidenti Liza Mazzone bildirib ki, onun yanvarın sonunda Davosda keçiriləcək Dünya İqtisadi Forumuna (WEF) dəvəti ləğv edilməlidir.
Onun fikrincə, Trampın Venesuelaya hücumu və prezidenti Nikolas Maduronun qaçırılması “beynəlxalq hüququn təməlini” pozub və buna görə də konfederasiya hakimiyyəti onu Davos Forumunun iştirakçıları siyahısından rəsmi olaraq çıxarmalıdır. Mazzone İsveçrənin “20 Minutes” qəzetinə verdiyi müsahibədə bildirib ki, “Onun üçün qırmızı xalça sərilməsi qəbuledilməzdir, baxmayaraq ki, o, özünü pirat kimi aparır, başqa bir ölkənin neftini oğurlayır və ən əsası onun ərazi bütövlüyünü pozur ” .
Siyasətçinin sözlərinə görə, konfederasiya “İsveçrəyə təhlükəsizlik, sabitlik və rifah gətirən beynəlxalq hüququ açıq şəkildə məhv etmək istəyən” bir şəxsə “platforma verməməlidir”. Buna görə də, Mazzone hesab edir ki, o, “Cenevrə Konvensiyaları ölkəsində arzuolunmaz şəxs” olmalıdır. (Tass)