Litva hakimiyyəti ABŞ hərbi kontingentinin ölkədə yerləşdirilməsi ilə bağlı yalnız qeyri-rəsmi məlumata malikdir. Bu barədə Litvanın müdafiə naziri Robertas Kaunas milli radiostansiya olan LRT-də bildirib.
“Əldə etdiyimiz qeyri-rəsmi məlumatlar, eləcə də ABŞ administrasiyasının qonşu Polşada Amerika kontingentinin qalacağı barədə qərarı ürəkaçandır”, – deyə o bildirib.
Lakin nazir etiraf edib ki, Litvanın bu məsələ ilə bağlı xaricdən heç bir rəsmi məlumatı yoxdur. O qeyd edib ki, “Vaşinqtonun Amerika qoşunlarının Avropada yerləşdirilməsi planlarına baxışı başa çatmaq üzrədir. Biz rəsmi açıqlamalar gözləyəcəyik. O vaxta qədər Amerika müttəfiqləri bizdən hər hansı bir şərh verməkdən çəkinməyimizi istəyiblər.”